ظلمتك حبيبتى وسبتك
ومشيت لوحدى فى حياتى
لكنى والله خسرتك
وخسرت بعدك ذاتى
بتمنى يا روحى نرجع
بتمنى ننسى العذاب
بتمنى قلبك يسمع
ويسامحنى على الغياب
انا عارف قلبك حنين
ممكن فى يوم يسامحنى
والجرح هيبقى هين
لما قلبك يشوفنى
بس انتى استنينى
اوعى يا عمرى تنسينى
انا راجع فيا حنينى
جوايا شوقى مالينى
والجرح اكيد هيزول
وهننسى العذاب
وانا هبقى معاكى على طول
وعمرى ما هبقى فى غياب
راجع تانى عشانك
راجع بشوق السنين
مين اللى يملى مكانك
مين قوليلى مين
فى حد تانى فى جمالك
قلبه زيك جميل
عمرى ما هلقى بدالك
ولا هلقى ليكى مثيل
عاشقك وعاشق ذاتك
وبحبك فوق الجنون
وكل اللى فاتنى وفاتك
هتشوفه تانى العيون
وانا عارف قلبك حنين
ممكن فى يوم يسامحنى
والجرح هيبقى هين
لما قلبك يشوفنى
موضوع: ظلمتك حبيبتي 
الأحد مارس 01, 2009 8:39 pm
