هـــاذي الدنيــا تفــــــارق وتلا قــــــي ....

هاذي الدنيا تفـــــارق وتلاقي

السلام عليكم ....هذا الشعر الملحون اعجبني فوددت ان انشره
وكلامه من اللهجة الجزائرية يعني العامية (الدارجة)...

هاذي الدنيا تفـــــارق وتلاقي*** مــرة تجيــــــب ومرة تـــدي
واحـــــد فيـــــنا ماهو لاقــي*** روحـو وراحتو فالدنيا هــــاذي
عارف راكي حابة تفــارقــــي*** مــــــاهوغرضك ولا غرضــي
فاهمك وبلى ما تنطــــــــقي ***و بـــالمكتوب رانــي راضــي
المهم خرّجـــت كـل وراقـــي ***حبيـــــتك و مديـــــتـلك يــدي
انتي الي بغيــــــــتي تطلقي ***الله غالب ماجاتش من عنـدي
فـــاللخر انا خـرجـــت نـقــــي*** صافي وافي وفيـــت بوعدي
ما رحت غـربي ولا شـرقــــي ***حبيتك وحدك وكـــنت وحدي
عملت كل مـــــاهو شـــــاقي ***علاجـــال غير بــاش تقعدي
باش طريقك يكون طـريـقـــي*** وولادك نشالله يكونوا ولادي
كنت حاسب ليــــا تصــدقي ***لمــــا كنــــتي فيـــا توعدي
عارف ماقدرتيش اتـــطبقي*** معليش روحي راني راضـــــي
على الأقل كــــان من حـقي*** نعرف علاش بغيـــتي تغــدي
وتخليــــني عمـري البـاقي*** نكملـــو وحــدي هايـم وحـــدي
ايلا كــــــان المشكل رزقي ***مــــــا ستقنعتيـــش بلي عندي
نقولك هاذي حاجت خالقي ***والرزق عمـــرو ماكــان بيــــدي
انا وحــــــدي درت طريقي ***مـــــــاخلاوليش بويا وجدي
نحب نجيب الحاجة بعرقـــي ***او واش كتبلــــي ربـــــي ندي
حبيتي تطيري روحي اسبقي ***انا نمــــشي غير في غرضي
من قلبي نتمنالك تلحــــقي ***وتعيشي ميــــــات سنة بعدي
وتلقاي كامل واش تسحقي ***ويد وحداوخرى خير من يـــــدي
بصح خـايف ياك من حقــي ***نخاف عليــــــك مالدنيا هـــاذي
فيها السعـيد وفيها الشاقي ***مـرة تجيــــــــب ومــــرة تدي
مرة تلايم النـــاس وتلاقي ***وهاذ المـــــرة خلاتني وحـــــدي
وحدي غارق بين وراقـــــي ***نكـــتب ونخمم نجيــب او نـــدي
ونكتب في نهـــاية عشقي ***الي خلاصت بدمـــــــعة فخــدي
والله نقولك كــان تصدقي ***ماغاضتنيش كي رايحة تبعـــــدي
غاضني حبي ليك وصدقي*** واش فوتت معــــــاك يا وعــــدي
بعتثلك هاذ الزوج وراقــي*** قلت عسى تفهمي قصــــــــدي
ما كتبتهمش انا من عشقي*** وما سالتش الدمعة فـــــــخدي
با ش تحني عليا وتشفقي ***خاطر انتيا الي راكي تغـيضــي
كتبتلك غير باه تفيـــــــقي ***وتشكري ربــــــــي أو تحمـدي

رائع ما نقلتي
وان شاء الله الدنيا تلاقيكي باعز الناس وما تفارقكم ابدا قولي امين

السلام عليكم ورحمة الله تعالى وبركاته

مشكورة اختي المهاجرة علي ردك الجميل
ان شاء الله نتمنى للجميح المحبين ان تلاقيهم الدنيا
وماتفرقهم بمشيئة الرحمان
تقبلي مروري

دموع الاطلال